jata hai kaun aap se jallad ki taraf

Peer Sher Mohammad Ajiz

jata hai kaun aap se jallad ki taraf

Peer Sher Mohammad Ajiz

MORE BYPeer Sher Mohammad Ajiz

    jaatā hai kaun aap se jallād taraf

    khīñchā is āb-o-dāna ne sayyād taraf

    nā-ḳhush hai āshiqoñ se bahut āj-kal vo shoḳh

    badle karam ke tab.a hai bedād taraf

    mashshāta jazb-e-dil koī dūsrā nahīñ

    shīrīñ ko khīñch le gayā farhād taraf

    ishq-e-butāñ hai ḳhvāb-e-farāmosh ai ḳhudā

    aayā hai phir ḳhayāl tirī yaad taraf

    detī nahīñ nazākat use hukm qatl

    jaatā huuñ dauḌ dauḌ ke jallād taraf

    aatā hai qadd-e-yār chaman meñ mujhe jo yaad

    hairat se takne lagtā huuñ shamshād taraf

    ye kyā sabab hai kāfir-o-dīñ-dār sab hue

    yārab usī but-e-sitam-ījād taraf

    'ājiz' chhuḌā.e baḳht agar qaid-e-zīst se

    aa.uuñ kabhī na ālam-e-ījād taraf

    jata hai kaun aap se jallad ki taraf

    khincha is aab-o-dana ne sayyaad ki taraf

    na-KHush hai aashiqon se bahut aaj-kal wo shoKH

    badle karam ke taba hai bedad ki taraf

    mashshata jazb-e-dil sa koi dusra nahin

    shirin ko khinch le gaya farhad ki taraf

    ishq-e-butan hai KHwab-e-faramosh ai KHuda

    aaya hai phir KHayal teri yaad ki taraf

    deti nahin nazakat use hukm qatl ka

    jata hun dauD dauD ke jallad ki taraf

    aata hai qadd-e-yar chaman mein mujhe jo yaad

    hairat se takne lagta hun shamshad ki taraf

    ye kya sabab hai kafir-o-din-dar sab hue

    yarab usi but-e-sitam-ijad ki taraf

    'ajiz' chhuDae baKHt agar qaid-e-zist se

    aaun kabhi na aalam-e-ijad ki taraf

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY