jab bhi barish meri aaankhon mein utar jati hai

Khwaja Sajid

jab bhi barish meri aaankhon mein utar jati hai

Khwaja Sajid

MORE BYKhwaja Sajid

    jab bhī bārish merī ā.ankhoñ meñ utar jaatī hai

    bādaloñ meñ tirī tasvīr ubhar jaatī hai

    Dūbnā jin ko ho maqsūd vo kab sochte haiñ

    mauj kis samt se aatī hai kidhar jaatī hai

    mere ehsās bīnā.ī hai ḳhushbū us

    aag ban kar merī rag rag meñ utar jaatī hai

    din vahī din hai jo biite tirī ummīd ke saath

    shab vahī shab jo tire saath guzar jaatī hai

    kaisī dīvār uThā mire ham-sā.e ne

    ab sadā aatī hai koī na udhar jaatī hai

    apne atrāf añdheroñ ko basā.e rakhiye

    raushnī in se zarā aur nikhar jaatī hai

    jab bhi barish meri aaankhon mein utar jati hai

    baadalon mein teri taswir ubhar jati hai

    Dubna jin ko ho maqsud wo kab sochte hain

    mauj kis samt se aati hai kidhar jati hai

    mere ehsas ki binai hai KHushbu us ki

    aag ban kar meri rag rag mein utar jati hai

    din wahi din hai jo bite teri ummid ke sath

    shab wahi shab jo tere sath guzar jati hai

    kaisi diwar uTha di mere ham-sae ne

    ab sada aati hai koi na udhar jati hai

    apne atraf andheron ko basae rakhiye

    raushni in se zara aur nikhar jati hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY