jab bhi dushman ban ke isne war kiya
jab bhī dushman ban ke is ne vaar kiyā
maiñ ne apne lahje ko talvār kiyā
maiñ ne apne phuul se bachchoñ kī ḳhātir
kāġhaz ke phūloñ kā kārobār kiyā
merī mehnat kī qīmat kyā degā tū
maiñ ne dasht-o-sahrā ko gulzār kiyā
maiñ 'farhād' yā majnūñ kaise ban jaatā
maiñ shā.ir thā maiñ ne sab se pyaar kiyā
us kī āñkheñ ḳhvāb se banñe lagtī haiñ
jab bhī maiñ ne chāhat kā iz.hār kiyā
apne pīchhe aane vāloñ kī ḳhātir
maiñ ne har ik raste ko hamvār kiyā
us ke ghar ke saare log muḳhālif the
phir bhī 'ārif' us ne mujh se pyaar kiyā
jab bhi dushman ban ke is ne war kiya
main ne apne lahje ko talwar kiya
main ne apne phul se bachchon ki KHatir
kaghaz ke phulon ka karobar kiya
meri mehnat ki qimat kya dega tu
main ne dasht-o-sahra ko gulzar kiya
main 'farhad' ya majnun kaise ban jata
main shair tha main ne sab se pyar kiya
us ki aankhen KHwab se banne lagti hain
jab bhi main ne chahat ka izhaar kiya
apne pichhe aane walon ki KHatir
main ne har ek raste ko hamwar kiya
us ke ghar ke sare log muKHalif the
phir bhi 'arif' us ne mujh se pyar kiya
Source:
Rooh-e-Ghazal,Pachas Sala Intekhab (Pg. 706)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
