جب بھی کسی کا عہد وفا یاد آ گیا
جب بھی کسی کا عہد وفا یاد آ گیا
دل پر پڑی وہ چوٹ خدا یاد آ گیا
جب بھی صلیب و دار کا قصہ ہوا بیاں
شہر ستم کا مرد وفا یاد آ گیا
مدت کے بعد ان سے ملاقات کیا ہوئی
ایک ایک حرف خود کا لکھا یاد آ گیا
کیوں چشم نم ہیں آپ مری سمت دیکھ کر
کیا رفتہ رفتہ بجھتا دیا یاد آ گیا
بزم سخن میں جب بھی چلی فکر و فن کی بات
نامی کے ساتھ ساتھ ہما یاد آ گیا
اس پیکر جمال کے آتے ہی بزم میں
کیسا ہوا تھا حشر بپا یاد آ گیا
میں بھول کر بھی بھول نہ پایا وہ حادثے
مر مر کے کیسے جینا پڑا یاد آ گیا
دشواریٔ حیات سے جب بھی ملی نجات
ماں کا شفیق دست دعا یاد آ گیا
چھیڑی ہے شوقؔ میٹھے ترنم میں کیا غزل
اک شخص مجھ کو شیریں نوا یاد آ گیا
مأخذ:
سوچ کا سمندر (Pg. 99)
- مصنف: شوق جالندھری
-
- ناشر: اونتکا پبلیشرز، رانچی
- سن اشاعت: 2006
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
