jab bhi mazi ke nazare ko nazar jaegi

Zafar Ansari Zafar

jab bhi mazi ke nazare ko nazar jaegi

Zafar Ansari Zafar

MORE BY Zafar Ansari Zafar

    jab bhī maazī ke nazāre ko nazar jā.egī

    shaam ashkoñ ke sitāroñ se sañvar jā.egī

    kyā batā.ūñ ki kahāñ tak ye nazar jā.egī

    ek din hadd-e-ta.ayyun se guzar jā.egī

    jab bhī us ke ruḳh-e-raushan ḳhayāl aa.egā

    chāñdnī dil ke shabistāñ meñ utar jā.egī

    har sitam karne se pahle ye zarā soch bhī le

    maiñ jo bikhrā to tirī zulf bikhar jā.egī

    maiñ ye samjhūñgā mujhe mil ga.ī merāj-e-vafā

    zindagī gar tirī yādoñ meñ guzar jā.egī

    us taraf apnī mohabbat kahānī hogī

    ye havā bū-e-vafā le ke jidhar jā.egī

    kyā ḳhabar thī ki 'zafar' ruuh mirī duniyā meñ

    ārzūoñ se kuchal kar kabhī mar jā.egī

    jab bhi mazi ke nazare ko nazar jaegi

    sham ashkon ke sitaron se sanwar jaegi

    kya bataun ki kahan tak ye nazar jaegi

    ek din hadd-e-tayyun se guzar jaegi

    jab bhi us ke ruKH-e-raushan ka KHayal aaega

    chandni dil ke shabistan mein utar jaegi

    har sitam karne se pahle ye zara soch bhi le

    main jo bikhra to teri zulf bikhar jaegi

    main ye samjhunga mujhe mil gai meraj-e-wafa

    zindagi gar teri yaadon mein guzar jaegi

    us taraf apni mohabbat ki kahani hogi

    ye hawa bu-e-wafa le ke jidhar jaegi

    kya KHabar thi ki 'zafar' ruh meri duniya mein

    aarzuon se kuchal kar kabhi mar jaegi

    Source:

    • Book : Tez Hawa ke Jhonke (Pg. 55)
    • Author : Zafar Ansari Zafar
    • Publication : Maktaba Jamia , Jamia Nagar, New Delhi (2009)
    • Edition : 2009
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY