jab bhi us husn-e-nazuki se milun

jab bhī us husn-e-nāzukī se milūñ

ik 'ajab rang-e-raushnī se milūñ

tū jo kah de to chhoḌ duuñ ye jahāñ

tū jo kah de to har kisī se milūñ

ḳhud ko is vāste kiyā hai charāġh

taaki maiñ apnī raushnī se milūñ

har taraf tū hī tū dikhā.ī de

is qadar shauq-e-dilbarī se milūñ

khoyā jā.ūñ maiñ tere shahr meñ aur

DhūñDne par tirī galī se milūñ

tujh se pahle tirī ḳhushī ke sabab

aañkh meñ aa chukī namī se milūñ

is qadar bhī maiñ ab nashe meñ nahīñ

tere hote bhī zindagī se milūñ

jab bhi us husn-e-nazuki se milun

ek 'ajab rang-e-raushni se milun

tu jo kah de to chhoD dun ye jahan

tu jo kah de to har kisi se milun

KHud ko is waste kiya hai charagh

taki main apni raushni se milun

har taraf tu hi tu dikhai de

is qadar shauq-e-dilbari se milun

khoya jaun main tere shahr mein aur

DhunDne par teri gali se milun

tujh se pahle teri KHushi ke sabab

aankh mein aa chuki nami se milun

is qadar bhi main ab nashe mein nahin

tere hote bhi zindagi se milun