جب بھی اس حسن نازکی سے ملوں
اک عجب رنگ روشنی سے ملوں
تو جو کہہ دے تو چھوڑ دوں یہ جہاں
تو جو کہہ دے تو ہر کسی سے ملوں
خود کو اس واسطے کیا ہے چراغ
تاکہ میں اپنی روشنی سے ملوں
ہر طرف تو ہی تو دکھائی دے
اس قدر شوق دلبری سے ملوں
کھویا جاؤں میں تیرے شہر میں اور
ڈھونڈنے پر تری گلی سے ملوں
تجھ سے پہلے تری خوشی کے سبب
آنکھ میں آ چکی نمی سے ملوں
اس قدر بھی میں اب نشے میں نہیں
تیرے ہوتے بھی زندگی سے ملوں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
