jab diya KHamosh tha aur raushni hoti na thi

Mohammad Shahid Firoz

jab diya KHamosh tha aur raushni hoti na thi

Mohammad Shahid Firoz

MORE BYMohammad Shahid Firoz

    jab diyā ḳhāmosh thā aur raushnī hotī na thī

    raat kyā aatī thī goyā zindagī hotī na thī

    jin dinoñ logoñ āñkheñ ḳhvāhishoñ se duur thiiñ

    un dinoñ is shahr ye dilkashī hotī na thī

    apnī apnī raġhbatoñ par jab talak thā iḳhtiyār

    tere mere darmiyāñ ye bebasī hotī na thī

    un dinoñ baat hai jab ham the miTTī se juḌe

    be-kalī ma.adūm thī aur be-dilī hotī na thī

    dekhte dekhte manzar badal kar rah gayā

    ye galī suunī thī jab tak aap hotī na thī

    apne apne din the sab ke apnī apnī raat thī

    koī bhī shai jab nazar meñ markazī hotī na thī

    jab dar-o-dīvār aa.e to uThī dīvār bhī

    ghar nahīñ thā to hamārī be-gharī hotī na thī

    ishq ne jab tak junūñ rāsta dekhā na thā

    zindagī be-kaif thī tīsha-garī hotī na thī

    is zamīñ ḳhālī-pan thā aur havā shor thā

    un dinoñ baat hai jab shā.irī hotī na thī

    jis shādābī hameñ le aa.ī hai 'shāhid' yahāñ

    us jazīre par kabhī kyā zindagī hotī na thī

    jab diya KHamosh tha aur raushni hoti na thi

    raat kya aati thi goya zindagi hoti na thi

    jin dinon logon ki aankhen KHwahishon se dur thin

    un dinon is shahr ki ye dilkashi hoti na thi

    apni apni raghbaton par jab talak tha iKHtiyar

    tere mere darmiyan ye bebasi hoti na thi

    un dinon ki baat hai jab hum the miTTi se juDe

    be-kali madum thi aur be-dili hoti na thi

    dekhte hi dekhte manzar badal kar rah gaya

    ye gali suni thi jab tak aap ki hoti na thi

    apne apne din the sab ke apni apni raat thi

    koi bhi shai jab nazar mein markazi hoti na thi

    jab dar-o-diwar aae to uThi diwar bhi

    ghar nahin tha to hamari be-ghari hoti na thi

    ishq ne jab tak junun ka rasta dekha na tha

    zindagi be-kaif thi tisha-gari hoti na thi

    is zamin ka KHali-pan tha aur hawa ka shor tha

    un dinon ki baat hai jab shairi hoti na thi

    jis ki shadabi hamein le aai hai 'shahid' yahan

    us jazire par kabhi kya zindagi hoti na thi

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY