jab kabhi dair-o-haram Takrae mai-KHanon ke sath

Bismil Saeedi

jab kabhi dair-o-haram Takrae mai-KHanon ke sath

Bismil Saeedi

MORE BY Bismil Saeedi

    jab kabhī dair-o-haram Takrā.e mai-ḳhānoñ ke saath

    sarf-e-gardish kar diyā saaqī ne paimānoñ ke saath

    husn bhī kambaḳht kab ḳhālī hai soz-e-ishq se

    sham.a bhī to rāt-bhar jaltī hai parvānoñ ke saath

    roz mai-ḳhvāroñ qismat ke sitāre shaam se

    jagmagā uThte haiñ jaag uThte haiñ mai-ḳhānoñ ke saath

    gardish-e-gardūñ ḳhalal-andāz mai-ḳhāna ho kyā

    vaqt rahtā hai yahāñ gardish meñ paimānoñ ke saath

    aql apnoñ se bhī aksar bach ke chaltī hai zarā

    ishq kambaḳht ho jaatā hai begānoñ ke saath

    kis qadar ḳhush-fahm the jo log agle vaqt meñ

    masjideñ banvā diyā karte the but-ḳhānoñ ke saath

    tā-na-bāshad chiiz ke mardum na-goyad chīz-hā

    kuchh haqīqat bhī huā kartī hai afsānoñ ke saath

    munfa.il kartā hai bismil vo junūñ ko aql se

    koī farzāna jo ho jaatā hai dīvānoñ ke saath

    jab kabhi dair-o-haram Takrae mai-KHanon ke sath

    sarf-e-gardish kar diya saqi ne paimanon ke sath

    husn bhi kambaKHt kab KHali hai soz-e-ishq se

    shama bhi to raat-bhar jalti hai parwanon ke sath

    roz mai-KHwaron ki qismat ke sitare sham se

    jagmaga uThte hain jag uThte hain mai-KHanon ke sath

    gardish-e-gardun KHalal-andaz mai-KHana ho kya

    waqt rahta hai yahan gardish mein paimanon ke sath

    aql apnon se bhi aksar bach ke chalti hai zara

    ishq hi kambaKHt ho jata hai beganon ke sath

    kis qadar KHush-fahm the jo log agle waqt mein

    masjiden banwa diya karte the but-KHanon ke sath

    ta-na-bashad chiz ke mardum na-goyad chiz-ha

    kuchh haqiqat bhi hua karti hai afsanon ke sath

    munfail karta hai bismil wo junun ko aql se

    koi farzana jo ho jata hai diwanon ke sath

    Source:

    • Book: Kulliyat-e-bismil Saeedi (Pg. 444)
    • Author: Bismil Saeedi
    • Publication: Sahitya Akademi (2007)
    • Edition: 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites