jab KHabar hi na koi mausam-e-gul ki aai

Naseem Sahar

jab KHabar hi na koi mausam-e-gul ki aai

Naseem Sahar

MORE BYNaseem Sahar

    jab ḳhabar na koī mausam-e-gul aa.ī

    kāġhzī phuul pe kuchh soch ke titlī aa.ī

    sabz pattoñ ne bhī shāḳhoñ se baġhāvat kar

    aaj is shahr meñ kis zor āñdhī aa.ī

    ab ye bastī huī dīvāroñ kasrat shikār

    ab yahāñ rahne meñ be-tarah ḳharābī aa.ī

    qahqaha shab ne lagāyā hai baḌe tanz ke saath

    sub.h jab apnī rihā.ī pe bhī rotī aa.ī

    aañkh ik abr ke TukḌe ko taras jaatī thī

    bārishoñ se jahāñ ab itnī tabāhī aa.ī

    rāt-bhar sub.h ummīd pe zinda thā marīz

    sub.h hote use āḳhirī hichkī aa.ī

    mar gayā habs bastī meñ jūñhī koī 'nasīm'

    nauha-ḳhvānī ko vahāñ taaza havā bhī aa.ī

    jab KHabar hi na koi mausam-e-gul ki aai

    kaghzi phul pe kuchh soch ke titli aai

    sabz patton ne bhi shaKHon se baghawat kar di

    aaj is shahr mein kis zor ki aandhi aai

    ab ye basti hui diwaron ki kasrat ka shikar

    ab yahan rahne mein be-tarah KHarabi aai

    qahqaha shab ne lagaya hai baDe tanz ke sath

    subh jab apni rihai pe bhi roti aai

    aankh ek abr ke TukDe ko taras jati thi

    barishon se jahan ab itni tabahi aai

    raat-bhar subh ki ummid pe zinda tha mariz

    subh hote hi use aaKHiri hichki aai

    mar gaya habs ki basti mein junhi koi 'nasim'

    nauha-KHwani ko wahan taza hawa bhi aai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY