jab kisi ne haal puchha ro diya

Shad Azimabadi

jab kisi ne haal puchha ro diya

Shad Azimabadi

MORE BYShad Azimabadi

    jab kisī ne haal pūchhā ro diyā

    chashm-e-tar ne to mujh ko kho diyā

    daaġh ho soz ho dard-o-ġham

    le liyā ḳhush ho ke jis ne jo diyā

    ashk-rezī ke dhaḌalle ne ġhubār

    jab zarā bhī dil pe dekhā dho diyā

    dil parvā tak nahīñ ai be-ḳhudī

    kyā kiyā pheñkā kahāñ kis ko diyā

    kuchh na kuchh is anjuman meñ hasb-e-hāl

    ne qassam-e-azal sab ko diyā

    kisht-e-duniyā kyā ḳhabar kyā phal mile

    tuḳhm-e-ġham ham ne to aa kar bo diyā

    ye bhī nasha mai-kasho kuchh kam nahīñ

    de na de saaqī pa tum samjho diyā

    'shād' ke aage bhalā kyā zikr-e-yār

    naam idhar aayā ki us ne ro diyā

    zumra-e-ahl-e-qalam meñ likh ke naam

    ḳhud ko nāhaq 'shād' ne kho diyā

    jab kisi ne haal puchha ro diya

    chashm-e-tar tu ne to mujh ko kho diya

    dagh ho ya soz ho ya dard-o-gham

    le liya KHush ho ke jis ne jo diya

    ashk-rezi ke dhaDalle ne ghubar

    jab zara bhi dil pe dekha dho diya

    dil ki parwa tak nahin ai be-KHudi

    kya kiya phenka kahan kis ko diya

    kuchh na kuchh is anjuman mein hasb-e-haal

    tu ne qassam-e-azal sab ko diya

    kisht-e-duniya kya KHabar kya phal mile

    tuKHm-e-gham hum ne to aa kar bo diya

    ye bhi nasha mai-kasho kuchh kam nahin

    de na de saqi pa tum samjho diya

    'shad' ke aage bhala kya zikr-e-yar

    nam idhar aaya ki us ne ro diya

    zumra-e-ahl-e-qalam mein likh ke nam

    KHud ko nahaq 'shad' tu ne kho diya

    Source :
    • Book : Dewan-e-shad Azimabadi (Pg. 105)
    • Author : Shad Azimabadi
    • Publication : Educational Publishing House (2005)
    • Edition : 2005
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY