جب کوئی مہرباں نہیں ہوتا
جب کوئی مہرباں نہیں ہوتا
دل مرا بد گماں نہیں ہوتا
ہر جگہ بجلیاں نہیں گرتیں
ہر جگہ آشیاں نہیں ہوتا
جس فضا میں ہوں آپ جلوہ فگن
اس جگہ آسماں نہیں ہوتا
اشک آنکھوں میں آ ہی جاتے ہیں
حال دل داستاں نہیں ہوتا
آپ مجھ کو جہاں سمجھتے ہیں
میں خود اکثر وہاں نہیں ہوتا
جب تلک بجلیاں نہیں گرتیں
آشیاں آشیاں نہیں ہوتا
مے کدہ ہو کہ بزم وعظ سعیدؔ
ذکر اپنا کہاں نہیں ہوتا
مأخذ:
برق و آشیان (Pg. 55)
- مصنف: سعید شہیدی
-
- ناشر: نیشنل فائن پرنٹنگ پریس، حیدر آباد
- سن اشاعت: 1972
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
