jab meri gardan pe usne apna KHanjar rakh diya

Sajid Safdar

jab meri gardan pe usne apna KHanjar rakh diya

Sajid Safdar

MORE BYSajid Safdar

    jab mirī gardan pe us ne apnā ḳhanjar rakh diyā

    log uTThe aur us ke taaj sar par rakh diyā

    buuñd kaafī thī jab sairāb hone ke liye

    ḳhushk hoñToñ par ye tum ne kyoñ samundar rakh diyā

    ab bhaTakte phir rahe haiñ rāhat-e-jāñ ke liye

    ye kamī apnī hai jo sab kuchh bhulā kar rakh diyā

    khā ke Thokar aa gayā ab mujh ko chalne hunar

    shukriya tum ne jo merī rah meñ patthar rakh diyā

    sochtā huuñ mar na jā.ūñ bojh se dab kar kahīñ

    aaj ik kam-zarf ne ehsān sar par rakh diyā

    tanziya lahje meñ ham se baat mat kiije huzūr

    aisā lagtā hai kisī ne dil pe nashtar rakh diyā

    jis tarah aḳhbār paḌh ke koī rakh de ik taraf

    maiñ ne 'sājid' us tarah duniyā ko paḌh kar rakh diyā

    jab meri gardan pe us ne apna KHanjar rakh diya

    log uTThe aur us ke taj sar par rakh diya

    bund hi kafi thi jab sairab hone ke liye

    KHushk honTon par ye tum ne kyon samundar rakh diya

    ab bhaTakte phir rahe hain rahat-e-jaan ke liye

    ye kami apni hai jo sab kuchh bhula kar rakh diya

    kha ke Thokar aa gaya ab mujh ko chalne ka hunar

    shukriya tum ne jo meri rah mein patthar rakh diya

    sochta hun mar na jaun bojh se dab kar kahin

    aaj ek kam-zarf ne ehsan sar par rakh diya

    tanziya lahje mein hum se baat mat kije huzur

    aisa lagta hai kisi ne dil pe nashtar rakh diya

    jis tarah aKHbar paDh ke koi rakh de ek taraf

    main ne 'sajid' us tarah duniya ko paDh kar rakh diya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY