jab nazar uTThī thī apne ghar taraf
saarī ḳhushiyāñ ho ga.ī thiiñ bartaraf
roz-o-shab ubhrī haiñ sach kī manzileñ
apne andar ke hasīñ manzar taraf
phir kuñvārī rut ke hāthoñ thā ḳhumār
phir mahaktī Tahniyāñ thiiñ har taraf
merī apnī zaat kī hai ye shanāḳht
haiñ nigāheñ masnad-e-anvar taraf
āsmāñ se jā milī dīvāngī
ek patthar aur mere sar taraf
jāgte rahne ke fan meñ taaq huuñ
kyoñ thakan le jā.egī bistar taraf
jab nazar uTThi thi apne ghar taraf
sari KHushiyan ho gai thin bartaraf
roz-o-shab ubhri hain sach ki manzilen
apne andar ke hasin manzar taraf
phir kunwari rut ke hathon tha KHumar
phir mahakti Tahniyan thin har taraf
meri apni zat ki hai ye shanaKHt
hain nigahen masnad-e-anwar taraf
aasman se ja mili diwangi
ek patthar aur mere sar taraf
jagte rahne ke fan mein taq hun
kyon thakan le jaegi bistar taraf
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.