jab peDon ki KHidmat par mamur tha main

jab peḌoñ kī ḳhidmat par māmūr thā maiñ

'jāmī' puure jangal meñ mash.hūr thā maiñ

mujhe ḳhabar hai kyā kuchh hai buniyādoñ meñ

terī bastī kā pahlā mazdūr thā maiñ

kuchh na kuchh to fāsla thā jo maapā gayā

chāhe paas thā chāhe tujh se duur thā maiñ

ek sunahre nuur ne mujh meñ rang bhare

mujh meñ koī rang na thā be-nūr thā maiñ

soch rahā huuñ kitnā raushan manzar thā

tū zākir thā aur jahāñ mazkūr thā maiñ

sar pe jab tak maañ kā dast-e-shafqat thā

rab shāhid hai har ik dukh se duur thā maiñ

terī ek nazar se maiñ tabdīl huā

ishq se pahle had-darja maġhrūr thā maiñ

jab peDon ki KHidmat par mamur tha main

'jami' pure jangal mein mashhur tha main

mujhe KHabar hai kya kuchh hai buniyaadon mein

teri basti ka pahla mazdur tha main

kuchh na kuchh to fasla tha jo mapa gaya

chahe pas tha chahe tujh se dur tha main

ek sunahre nur ne mujh mein rang bhare

mujh mein koi rang na tha be-nur tha main

soch raha hun kitna raushan manzar tha

tu zakir tha aur jahan mazkur tha main

sar pe jab tak man ka dast-e-shafqat tha

rab shahid hai har ek dukh se dur tha main

teri ek nazar se main tabdil hua

ishq se pahle had-darja maghrur tha main