jab sahil ka dhoka sahil ho jata hai

jab sāhil kā dhokā sāhil ho jaatā hai

paar utarnā aur bhī mushkil ho jaatā hai

ik din itnī bhiiḌ juTā letī hai shohrat

apnā qātil us meñ shāmil ho jaatā hai

maut ke din se kyoñ Dartā thā yuuñ Dartā thā

jis ko dekho ghar meñ dāḳhil ho jaatā hai

koī bhī achchhī baat yahāñ bas kaan meñ kahnā

bīmāroñ ko marnā mushkil ho jaatā hai

ye mahrūmī aur tarah kī mahrūmī hai

sab kuchh vaqt se pahle hāsil ho jaatā hai

saarī haqīqat khul jaatī hai dānā.ī kī

jis din ik gumrāh muqābil ho jaatā hai

jab sahil ka dhoka sahil ho jata hai

par utarna aur bhi mushkil ho jata hai

ek din itni bhiD juTa leti hai shohrat

apna qatil us mein shamil ho jata hai

maut ke din se kyon Darta tha yun Darta tha

jis ko dekho ghar mein daKHil ho jata hai

koi bhi achchhi baat yahan bas kan mein kahna

bimaron ko marna mushkil ho jata hai

ye mahrumi aur tarah ki mahrumi hai

sab kuchh waqt se pahle hasil ho jata hai

sari haqiqat khul jati hai danai ki

jis din ek gumrah muqabil ho jata hai