jab se dekha janab ka chehra

jab se dekhā janāb kā chehra

dil ko bhāyā na dūsrā chehra

aap ko dekh kar ye bhed khulā

kis ko kahte haiñ chāñd sā chehra

be-sabab chāñd baam par aaya

sab kī nazroñ meñ thā tirā chehra

husn dekho na ho kabhī rusvā

duur se un kā dekhnā chehra

paḌhte paḌhte hayāt biit ga.ī

kitnī lambī kitāb thā chehra

hoñ nigāheñ jo dekhne vaalī

dil kā hotā hai aa.ina chehra

sar to sajde meñ jhuk gayā lekin

thā nigāhoñ meñ yaar kā chehra

aaj baiThe haiñ bazm meñ ġhammāz

un ke chehre se tū haTā chehra

chehre chehre chahār-sū chehre

tujh sā lekin kahāñ dikhā chehra

kis tarah log haiñ lagā lete

ek chehre pe nit-nayā chehrā

hashr meñ kaise le ke jāoge

apnā kālikh-bharā 'sadā' chehrā

jab se dekha janab ka chehra

dil ko bhaya na dusra chehra

aap ko dekh kar ye bhed khula

kis ko kahte hain chand sa chehra

be-sabab chand baam par aaya

sab ki nazron mein tha tera chehra

husn dekho na ho kabhi ruswa

dur se un ka dekhna chehra

paDhte paDhte hayat bit gai

kitni lambi kitab tha chehra

hon nigahen jo dekhne wali

dil ka hota hai aaina chehra

sar to sajde mein jhuk gaya lekin

tha nigahon mein yar ka chehra

aaj baiThe hain bazm mein ghammaz

un ke chehre se tu haTa chehra

chehre chehre chahaar-su chehre

tujh sa lekin kahan dikha chehra

kis tarah log hain laga lete

ek chehre pe nit-naya chehra

hashr mein kaise le ke jaoge

apna kalikh-bhara 'sada' chehra