jab se gulchin chaman-parast nahin

jab se gulchīñ chaman-parast nahīñ

bār-āvar koī daraḳht nahīñ

ham haiñ sadiyoñ se gosh-bar-āvāz

aaj tak koī bāzgasht nahīñ

ahl-e-gulshan pe kyā nahīñ guzrī

naqsh ye kis ke dil pe sabt nahīñ

lag ga.ī lab pe mohr-e-ḳhāmoshī

garche lahja mirā karaḳht nahīñ

chāñd par log Dālte haiñ kamand

kahiye kyā ye ḳhirad kī jast nahīñ

mai-kade par tilism taarī hai

be-asar un kī chashm-e-mast nahīñ

ahd-e-hāzir hai saḳht pur-āshob

hausla phir bhī merā past nahīñ

kaun pūchhegā tujh ko ai 'sābir'

tū agar maslahat-parast nahīñ

jab se gulchin chaman-parast nahin

bar-awar koi daraKHt nahin

hum hain sadiyon se gosh-bar-awaz

aaj tak koi bazgasht nahin

ahl-e-gulshan pe kya nahin guzri

naqsh ye kis ke dil pe sabt nahin

lag gai lab pe mohr-e-KHamoshi

garche lahja mera karaKHt nahin

chand par log Dalte hain kamand

kahiye kya ye KHirad ki jast nahin

mai-kade par tilism tari hai

be-asar un ki chashm-e-mast nahin

ahd-e-hazir hai saKHt pur-ashob

hausla phir bhi mera past nahin

kaun puchhega tujh ko ai 'sabir'

tu agar maslahat-parast nahin