جب سے گلچیں چمن پرست نہیں
جب سے گلچیں چمن پرست نہیں
بار آور کوئی درخت نہیں
ہم ہیں صدیوں سے گوش بر آواز
آج تک کوئی بازگشت نہیں
اہل گلشن پہ کیا نہیں گزری
نقش یہ کس کے دل پہ ثبت نہیں
لگ گئی لب پہ مہر خاموشی
گرچہ لہجہ مرا کرخت نہیں
چاند پر لوگ ڈالتے ہیں کمند
کہئے کیا یہ خرد کی جست نہیں
مے کدہ پر طلسم طاری ہے
بے اثر ان کی چشم مست نہیں
عہد حاضر ہے سخت پر آشوب
حوصلہ پھر بھی میرا پست نہیں
کون پوچھے گا تجھ کو اے صابرؔ
تو اگر مصلحت پرست نہیں
مأخذ:
غزلستان برار (Pg. 94)
-
- ناشر: ساجد اردو پریس، اکولہ
- سن اشاعت: 2015
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
