jab se maraz laga use wahm-o-guman ka

jab se maraz lagā use vahm-o-gumān kā

rasta vo bhuul baiThā hai mere makān kā

tāroñ kī aur qamar kī use chāhateñ jo haiñ

ḳhud ko samajh rahā hai makīñ āsmān kā

phūloñ kī dekh-bhāl ko ham ne rakhā jise

dīmak thā bāġhbān-numā gulsitān kā

mat ban khulī kitāb kisī ke bhī vāste

ban jā.egā raqīb vo terī hī jaan kā

'ahd-e-vafā vo kar ke mujhe de gayā daġhā

kaise yaqīn kar luuñ ab us bad-zabān kā

'rahbar' vo zinda thoḌī haiñ murda samajh unheñ

karte nahīñ jo shukr adā mehrbān kā

jab se maraz laga use wahm-o-guman ka

rasta wo bhul baiTha hai mere makan ka

taron ki aur qamar ki use chahaten jo hain

KHud ko samajh raha hai makin aasman ka

phulon ki dekh-bhaal ko hum ne rakha jise

dimak tha baghban-numa gulsitan ka

mat ban khuli kitab kisi ke bhi waste

ban jaega raqib wo teri hi jaan ka

'ahd-e-wafa wo kar ke mujhe de gaya dagha

kaise yaqin kar lun ab us bad-zaban ka

'rahbar' wo zinda thoDi hain murda samajh unhen

karte nahin jo shukr ada mehrban ka