jab se mere raqib ka rasta badal gaya

jab se mire raqīb kā rasta badal gayā

tab se mire nasīb kā naqsha badal gayā

shīrīñ thā kitnā aap kā andāz-e-guftugū

do-chār sikke aate hī lahja badal gayā

kis kī zabān se mujhe dekho ḳhabar mujhe

kaise mire harīf kā chehra badal gayā

un ke badalne kā mujhe afsos kuchh nahīñ

afsos ye hai apnā hī saaya badal gayā

jab se baḌoñ kī ghar se hukūmat chalī ga.ī

jannat-numā makān kā naqsha badal gayā

rāhoñ kī ḳhaak chhāntā phirtā huuñ aaj tak

rahbar badal gayā kabhī rasta badal gayā

kahtā hai us ke jaane se kuchh bhī nahīñ huā

'mahtāb' jabki dil kā vo Dhāñcha badal gayā

jab se mere raqib ka rasta badal gaya

tab se mere nasib ka naqsha badal gaya

shirin tha kitna aap ka andaz-e-guftugu

do-chaar sikke aate hi lahja badal gaya

kis ki zaban se mujhe dekho KHabar mujhe

kaise mere harif ka chehra badal gaya

un ke badalne ka mujhe afsos kuchh nahin

afsos ye hai apna hi saya badal gaya

jab se baDon ki ghar se hukumat chali gai

jannat-numa makan ka naqsha badal gaya

rahon ki KHak chhanta phirta hun aaj tak

rahbar badal gaya kabhi rasta badal gaya

kahta hai us ke jaane se kuchh bhi nahin hua

'mahtab' jabki dil ka wo Dhancha badal gaya