جب سے تو بے نقاب ہے پیارے
جب سے تو بے نقاب ہے پیارے
ہر نظر کامیاب ہے پیارے
تجھ کو دیکھوں تو کس طرح دیکھوں
تو کہ اک آفتاب ہے پیارے
میری آنکھوں میں دیکھ کیف جمال
کیسی اچھی شراب ہے پیارے
جس کو تو نے بنا لیا اپنا
وہی دل انتخاب ہے پیارے
تیری فرقت میں تیری دوری میں
حالت دل خراب ہے پیارے
تیرا ملنا تو کوئی بات نہیں
تجھ سے ملنا عذاب ہے پیارے
ذرہ ذرہ میں تجھ کو دیکھ لیا
اب نظر باریاب ہے پیارے
درد پر جب سے مہربان ہے تو
دہر میں انقلاب ہے پیارے
مأخذ:
حدیث درد (Pg. 113)
- مصنف: عبدالمجید درد بھوپالی
-
- ناشر: مدھیہ پردیش اردو اکیڈمی، بھوپال
- سن اشاعت: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
