jab se wo mere apne ghairon mein baT gae

jab se vo mere apne ġhairoñ meñ baT ga.e

ummīd ke to jaise bādal hī chhaT ga.e

ġham yuuñ to bāñTne se ab tak baḌhe hī the

par sang tere bāñTe to ye bhī ghaT ga.e

mushkil thā kaam vaise yuuñ bhūlnā use

is kaam se magar ham kab ke nipaT ga.e

imdād meñ tirī to hāzir bahut the nā

to kyā huā agar ham pīchhe bhī haT ga.e

kitne 'ajīb the vo apne ta'alluqāt

ḳhud phailte ga.e phir ḳhud hī simaT ga.e

aa.e to the bahut se yuuñ rāste meñ saath

manzil thī duur to phir sab hī palaT ga.e

din raat māñgte the jis ko ḳhudā se ham

us ke baġhair hī phir din raat kaT ga.e

the muddatoñ se bhūke vo jānvar sabhī

so zahr bhī parosā to sab jhapaT ga.e

rakh kar yaqīñ ḳhudā par kuchh yuuñ huā ki ham

pīchhe nahīñ haTe jo ik baar DaT ga.e

jab se wo mere apne ghairon mein baT gae

ummid ke to jaise baadal hi chhaT gae

gham yun to banTne se ab tak baDhe hi the

par sang tere banTe to ye bhi ghaT gae

mushkil tha kaam waise yun bhulna use

is kaam se magar hum kab ke nipaT gae

imdad mein teri to hazir bahut the na

to kya hua agar hum pichhe bhi haT gae

kitne 'ajib the wo apne ta'alluqat

KHud phailte gae phir KHud hi simaT gae

aae to the bahut se yun raste mein sath

manzil thi dur to phir sab hi palaT gae

din raat mangte the jis ko KHuda se hum

us ke baghair hi phir din raat kaT gae

the muddaton se bhuke wo jaanwar sabhi

so zahr bhi parosa to sab jhapaT gae

rakh kar yaqin KHuda par kuchh yun hua ki hum

pichhe nahin haTe jo ek bar DaT gae