jab tak KHayal-o-KHwab se dil bhar nahin gaya

jab tak ḳhayāl-o-ḳhvāb se dil bhar nahīñ gayā

maiñ shahr-e-e'tibār ke andar nahīñ gayā

kyā tishnigān-e-dahr se karte ho zikr-e-ḳhair

sahrā meñ ek buuñd samundar nahīñ gayā

bas ek hī shikast-e-mohabbat kā hai sabab

dil jis taraf gayā hai muqaddar nahīñ gayā

ham ko nahīñ sukūnat-e-'ushshāq se ġharaz

kahte haiñ dasht-zād kabhī ghar nahīñ gayā

'ādat ḳhud apnā bojh uThāne kī hai mujhe

is vāste ḳhalā ke safar par nahīñ gayā

rahte haiñ jis galī meñ bahut māl-dār log

hairat hai us galī meñ gadāgar nahīñ gayā

kaise huā hai manzil-e-bālā se phir farār

'āsim' agar vo shaḳhs utar kar nahīñ gayā

jab tak KHayal-o-KHwab se dil bhar nahin gaya

main shahr-e-e'tibar ke andar nahin gaya

kya tishnigan-e-dahr se karte ho zikr-e-KHair

sahra mein ek bund samundar nahin gaya

bas ek hi shikast-e-mohabbat ka hai sabab

dil jis taraf gaya hai muqaddar nahin gaya

hum ko nahin sukunat-e-'ushshaq se gharaz

kahte hain dasht-zad kabhi ghar nahin gaya

'adat KHud apna bojh uThane ki hai mujhe

is waste KHala ke safar par nahin gaya

rahte hain jis gali mein bahut mal-dar log

hairat hai us gali mein gadagar nahin gaya

kaise hua hai manzil-e-baala se phir farar

'asim' agar wo shaKHs utar kar nahin gaya