jab wo apnon ko mohabbat ki saza dete hain

jab vo apnoñ ko mohabbat kī sazā dete haiñ

muskurātī huī āñkhoñ ko rulā dete haiñ

ai parastār-e-vafā ab tirī duniyā vaale

har vafādār ko nazroñ se girā dete haiñ

har koī naav Dubo hī nahīñ dete tūfāñ

ye bhī hotā hai kināre bhī lagā dete haiñ

in meñ kyoñ zehn mirā rahtā hai uljhā uljhā

ye ḳhayālāt-e-pareshāñ mujhe kyā dete haiñ

ghoñpne dījiye ḳhanjar inheñ siine meñ mire

ye mire dost haiñ in’ām-e-vafā dete haiñ

jaan tak baat ke badle meñ gañvāte haiñ log

aap haiñ vā'da kareñ bhī to bhulā dete haiñ

jā rahe haiñ mirī jānib se nigāheñ phere

vaah kyā ḳhuub mohabbat kā sila dete haiñ

khel hai un kā zamāne kī kahānī kyā hai

ḳhaak par naqsh banāte haiñ miTā dete haiñ

raaz kī baat jo kah dete haiñ 'manzil' aksar

kis liye aap vo auroñ ko batā dete haiñ

jab wo apnon ko mohabbat ki saza dete hain

muskuraati hui aankhon ko rula dete hain

ai parastar-e-wafa ab teri duniya wale

har wafadar ko nazron se gira dete hain

har koi naw Dubo hi nahin dete tufan

ye bhi hota hai kinare bhi laga dete hain

in mein kyon zehn mera rahta hai uljha uljha

ye KHayalat-e-pareshan mujhe kya dete hain

ghonpne dijiye KHanjar inhen sine mein mere

ye mere dost hain in’am-e-wafa dete hain

jaan tak baat ke badle mein ganwate hain log

aap hain wa'da karen bhi to bhula dete hain

ja rahe hain meri jaanib se nigahen phere

wah kya KHub mohabbat ka sila dete hain

khel hai un ka zamane ki kahani kya hai

KHak par naqsh banate hain miTa dete hain

raaz ki baat jo kah dete hain 'manzil' aksar

kis liye aap wo auron ko bata dete hain