jab ye dawe the ki har dukh ka mudawa ho gae

jab ye daave the ki har dukh kā mudāvā ho ga.e

kis liye tum bā.is-e-ḳhūn-e-tamannā ho ga.e

shauq kā anjām niklā hasrat-e-āġhāz-e-shauq

raaz ban jaane se pahle raaz ifshā ho ga.e

ik nigāh-e-āshnā kā aasrā jaatā rahā

aaj ham tanhā.iyoñ meñ aur tanhā ho ga.e

terā milnā aur bichhaḌnā kyā kaheñ kis se kaheñ

ek jān-e-nā-tavāñ par zulm kyā kyā ho ga.e

jab ye dawe the ki har dukh ka mudawa ho gae

kis liye tum bais-e-KHun-e-tamanna ho gae

shauq ka anjam nikla hasrat-e-aghaz-e-shauq

raaz ban jaane se pahle raaz ifsha ho gae

ek nigah-e-ashna ka aasra jata raha

aaj hum tanhaiyon mein aur tanha ho gae

tera milna aur bichhaDna kya kahen kis se kahen

ek jaan-e-na-tawan par zulm kya kya ho gae