aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jaDaw chuDiyon ke hathon mein phaban kya KHub

Imdad Ali Bahr

jaDaw chuDiyon ke hathon mein phaban kya KHub

Imdad Ali Bahr

MORE BYImdad Ali Bahr

    jaḌāv chūḌiyoñ ke hāthoñ meñ phaban kyā ḳhuub

    bhare bhare tire baazū pe nau-ratan kyā ḳhuub

    khajūrī choTī ke qurbān vaah kyā kahnā

    nisār pariyoñ ke mū-ba-mū shikan kyā ḳhuub

    na.ī javānī josh aur ubhār siine

    do-shāla Dhalkā huā sar se bāñkpan kyā ḳhuub

    ajab bahār hai beloñ aur būToñ

    parī dupaTTā tirā ġhairat-e-chaman kyā ḳhuub

    izār-band ke lachchhe vaah re aalam

    gudāz rānoñ pe pājāme shikan kyā ḳhuub

    jo pahnā achchhā burā ne utrā ban ban kar

    har ek chiiz meñ jaanī sajīlā-pan kyā ḳhuub

    gulāb se tire gaal aur āñkheñ nargis se

    ba-rañg-e-ġhuncha-lāla lab-o-dahan kyā ḳhuub

    nazar phisalte vallāh merī āñkhoñ meñ ḳhaak

    ki saaf saaf hai ā.īne badan kyā ḳhuub

    ḳhudā ne nuur ke sāñche meñ tujh ko Dhālā hai

    jo dekhtā hai vo kahtā hai ye suḳhan kyā ḳhuub

    bayān husn kare terā 'bahr' kis muñh se

    tirā banāv tire chhab tirī phaban kyā ḳhuub

    jaDaw chuDiyon ke hathon mein phaban kya KHub

    bhare bhare tere bazu pe nau-ratan kya KHub

    khajuri choTi ke qurban wah kya kahna

    nisar pariyon ke mu-ba-mu shikan kya KHub

    nai jawani ka josh aur ubhaar sine ka

    do-shaala Dhalka hua sar se bankpan kya KHub

    ajab bahaar hai belon ki aur buTon ki

    pari dupaTTa tera ghairat-e-chaman kya KHub

    izar-band ke lachchhe ka wah re aalam

    gudaz ranon pe pajame ki shikan kya KHub

    jo pahna achchha bura tu ne utra ban ban kar

    har ek chiz mein jaani sajila-pan kya KHub

    gulab se tere gal aur aankhen nargis se

    ba-rang-e-ghuncha-lala lab-o-dahan kya KHub

    nazar phisalte hi wallah meri aankhon mein KHak

    ki saf saf hai aaine sa badan kya KHub

    KHuda ne nur ke sanche mein tujh ko Dhaala hai

    jo dekhta hai wo kahta hai ye suKHan kya KHub

    bayan husn kare tera 'bahr' kis munh se

    tera banaw tere chhab teri phaban kya KHub

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now