jafa-pasandon ko sunte hain na-pasand hua

Zeba

jafa-pasandon ko sunte hain na-pasand hua

Zeba

MORE BYZeba

    jafā-pasandoñ ko sunte haiñ nā-pasand huā

    ab aur bhī dil-e-māyūs dard-mañd huā

    mah-e-do-hafta banāyā hamīñ ne aariz ko

    hamārī vaj.h se husn aap do-chand huā

    judā judā hai mazāq apnā apnā duniyā meñ

    hameñ jo dard to dil dard ko pasand huā

    vo pher pher ga.e toḌ toḌ kar aksar

    ye dil vo hai jo ka.ī baar dard-mañd huā

    koī hazār kahe apnī ye kartā hai

    hamārā dil na huā koī ḳhud-pasand huā

    habāb ye ishāra hai ahl-e-ġhaflat se

    huā vo past jo duniyā meñ sar-buland huā

    huā hai ishq meñ kam husn-e-ittifāq aisā

    ki dil ko yaar to dil yaar ko pasand huā

    hilā diyā sar-e-bām aaj ke dil un

    asar ko nāla-e-qalb-e-hazīñ kamand huā

    dikhāyā dil ko ye din kibr-o-be-niyāzī ne

    ki naaz uThā ke kisī ke niyāz-mand huā

    ye kaun dilbar-e-nāzuk-mizāj se pūchhe

    pasand bhī dil-e-zebā-e-dard-mañd huā

    jafa-pasandon ko sunte hain na-pasand hua

    ab aur bhi dil-e-mayus dard-mand hua

    mah-e-do-hafta banaya hamin ne aariz ko

    hamari wajh se husn aap ka do-chand hua

    juda juda hai mazaq apna apna duniya mein

    hamein jo dard to dil dard ko pasand hua

    wo pher pher gae toD toD kar aksar

    ye dil wo hai jo kai bar dard-mand hua

    koi hazar kahe apni hi ye karta hai

    hamara dil na hua koi KHud-pasand hua

    habab ka ye ishaara hai ahl-e-ghaflat se

    hua wo past jo duniya mein sar-buland hua

    hua hai ishq mein kam husn-e-ittifaq aisa

    ki dil ko yar to dil yar ko pasand hua

    hila diya sar-e-baam aaj ja ke dil un ka

    asar ko nala-e-qalb-e-hazin kamand hua

    dikhaya dil ko ye din kibr-o-be-niyazi ne

    ki naz uTha ke kisi ke niyaz-mand hua

    ye kaun dilbar-e-nazuk-mizaj se puchhe

    pasand bhi dil-e-zeba-e-dard-mand hua

    Source :
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY