jahan khinch rahe hain kisi ke asar mein

jahāñ khiñch rahe haiñ kisī ke asar meñ

na jaane hai kitnā fusūñ us nazar meñ

tirī justujū hī mirī zindagī hai

mire naqsh-e-pā meñ har ik rahguzar meñ

mirī raah manzil ne kyuuñ rok lī hai

abhī lutf aane lagā thā safar meñ

zamīñ ban ga.ī āsmāñ ban ga.e haiñ

ḳhudā jaane kyā ḳhūbiyāñ haiñ bashar meñ

use dahr-e-fānī se phir kyā ta.alluq

muqaddar jise laa.e terī nazar meñ

rahā diin kā aur na duniyā kā āḳhir

ulajhtā rahā jo agar meñ magar meñ

vo zāhir se hī dekh letā hai bātin

ye ḳhūbī faqat 'shauq' hai dīda-var meñ

jahan khinch rahe hain kisi ke asar mein

na jaane hai kitna fusun us nazar mein

teri justuju hi meri zindagi hai

mere naqsh-e-pa mein har ek rahguzar mein

meri rah manzil ne kyun rok li hai

abhi lutf aane laga tha safar mein

zamin ban gai aasman ban gae hain

KHuda jaane kya KHubiyan hain bashar mein

use dahr-e-fani se phir kya talluq

muqaddar jise lae teri nazar mein

raha din ka aur na duniya ka aaKHir

ulajhta raha jo agar mein magar mein

wo zahir se hi dekh leta hai baatin

ye KHubi faqat 'shauq' hai dida-war mein