jahan pe main hi nahin tum wahan se lauT aao

jahāñ pe maiñ hī nahīñ tum vahāñ se lauT aao

zamīñ ke ho ke raho āsmāñ se lauT aao

yaqīn jaano vahāñ koī ham-ḳhayāl nahīñ

so tum ko chāhiye bazm-e-gumāñ se lauT aao

hameñ tumhārī tamanna hai aur kuchh bhī nahīñ

hameñ qubūl ho tum ab jahāñ se lauT aao

qalam uThāo mohabbat kī raushnī likkho

tum ahl-e-'ilm ho tīr-o-kamāñ se lauT aao

sitam hai jhuuT hai shar hai fareb hai jis meñ

mire 'azīzo tum us dāstāñ se lauT aao

ab aur kitnā sitam ḳhud pe Dhāogī 'resham'

basāo ḳhud ko zarā lā-makāñ se lauT aao

jahan pe main hi nahin tum wahan se lauT aao

zamin ke ho ke raho aasman se lauT aao

yaqin jaano wahan koi ham-KHayal nahin

so tum ko chahiye bazm-e-guman se lauT aao

hamein tumhaari tamanna hai aur kuchh bhi nahin

hamein qubul ho tum ab jahan se lauT aao

qalam uThao mohabbat ki raushni likkho

tum ahl-e-'ilm ho tir-o-kaman se lauT aao

sitam hai jhuT hai shar hai fareb hai jis mein

mere 'azizo tum us dastan se lauT aao

ab aur kitna sitam KHud pe Dhaogi 'resham'

basao KHud ko zara la-makan se lauT aao