jahan pe teri kami bhi na ho sake mahsus

jahāñ pe terī kamī bhī na ho sake mahsūs

talāsh hī rahī āñkhoñ ko aise manzar kī

hameñ to ḳhud nahīñ ma.alūm kyā kisī se kaheñ

ki tujh se milne kī koshish na kyuuñ bichhaḌ kar kī

magar ye zauq-e-parastish ki ab bhī tishna hai

jabīñ ko chuum chuke ek ek patthar kī

kahāñ pe dafn vo parchhā.iyāñ kareñ yaaro

jo taab lā na sakīñ raushnī ke ḳhanjar kī

har ek gul ko hai ishq-e-sumūm kā saudā

har ek shāḳh yahāñ mo'taqid hai sarsar kī

jidhar añdherā hai tanhā.ī hai udāsī hai

safar kī ham ne vahī samt kyuuñ muqarrar kī

jahan pe teri kami bhi na ho sake mahsus

talash hi rahi aankhon ko aise manzar ki

hamein to KHud nahin malum kya kisi se kahen

ki tujh se milne ki koshish na kyun bichhaD kar ki

magar ye zauq-e-parastish ki ab bhi tishna hai

jabin ko chum chuke ek ek patthar ki

kahan pe dafn wo parchhaiyan karen yaro

jo tab la na sakin raushni ke KHanjar ki

har ek gul ko hai ishq-e-sumum ka sauda

har ek shaKH yahan mo'taqid hai sarsar ki

jidhar andhera hai tanhai hai udasi hai

safar ki hum ne wahi samt kyun muqarrar ki