jala diya shajar-e-jaan ki sabz-baKHt na tha

jalā diyā shajar-e-jāñ ki sabz-baḳht na thā

kisī bhī rut meñ harā ho ye vo daraḳht na thā

vo ḳhvāb dekhā thā shahzādiyoñ ne pichhle pahar

phir us ke baad muqaddar meñ taaj o taḳht na thā

zarā se jabr se maiñ bhī to TuuT saktī thī

mirī tarah se tabī.at kā vo bhī saḳht na thā

mire liye to vo ḳhanjar bhī phuul ban ke uThā

zabān saḳht thī lahja kabhī karaḳht na thā

añdherī rātoñ ke tanhā musāfiroñ ke liye

diyā jalātā huā koī sāz-o-raḳht na thā

ga.e vo din ki mujhī tak thā merā dukh mahdūd

ḳhabar ke jaisā ye afsāna laḳht-laḳht na thā

jala diya shajar-e-jaan ki sabz-baKHt na tha

kisi bhi rut mein hara ho ye wo daraKHt na tha

wo KHwab dekha tha shahzadiyon ne pichhle pahar

phir us ke baad muqaddar mein taj o taKHt na tha

zara se jabr se main bhi to TuT sakti thi

meri tarah se tabiat ka wo bhi saKHt na tha

mere liye to wo KHanjar bhi phul ban ke uTha

zaban saKHt thi lahja kabhi karaKHt na tha

andheri raaton ke tanha musafiron ke liye

diya jalata hua koi saz-o-raKHt na tha

gae wo din ki mujhi tak tha mera dukh mahdud

KHabar ke jaisa ye afsana laKHt-laKHt na tha