jaltī rahnā sham-e-hayāt
phir na milegī aisī raat
kah to ga.ī vo nīchī nigāh
raaz hī rakhnā rāz-e-hayāt
ham kuchh samjhe vo kuchh aur
ḳhāmoshī meñ baḌh ga.ī baat
kis ko sunā.eñ pūchhe kaun
āh-e-nīm-shabī kī baat
ruuh ke munkir jism-parast
sahl nahīñ irfān-e-hayāt
uf ye dast-e-talab aur ham
sab hai vaqt paḌe kī baat
dāman se ab muñh na chhupā
jā bhī chukī ashkoñ kī barāt
jis ne na paa.ī apnī panāh
kyā degā auroñ ko najāt
sher vahī hai jis meñ 'sirāj'
ḳhud taḌpe rūh-e-jazbāt
jalti rahna sham-e-hayat
phir na milegi aisi raat
kah to gai wo nichi nigah
raaz hi rakhna raaz-e-hayat
hum kuchh samjhe wo kuchh aur
KHamoshi mein baDh gai baat
kis ko sunaen puchhe kaun
aah-e-nim-shabi ki baat
ruh ke munkir jism-parast
sahl nahin irfan-e-hayat
uf ye dast-e-talab aur hum
sab hai waqt paDe ki baat
daman se ab munh na chhupa
ja bhi chuki ashkon ki baraat
jis ne na pai apni panah
kya dega auron ko najat
sher wahi hai jis mein 'siraj'
KHud taDpe ruh-e-jazbaat
Source:
Shola-e-Aawaz (Pg. e-185p-184)
-
Author:
Siraj Lakhnavi
-
- Edition: 1920
- Publisher: Nizami Press, Lucknow
- Year of Publication: 1920
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.