jamegi kaise bisat-e-yaran ki shisha o jam bujh gae hain

Faiz Ahmad Faiz

jamegi kaise bisat-e-yaran ki shisha o jam bujh gae hain

Faiz Ahmad Faiz

MORE BY Faiz Ahmad Faiz

    jamegī kaise bisāt-e-yārāñ ki shīsha o jaam bujh ga.e haiñ

    sajegī kaise shab-e-nigārāñ ki dil sar-e-shām bujh ga.e haiñ

    vo tīrgī hai rah-e-butāñ meñ charāġh-e-ruḳh hai na sham-e-vāda

    kiran koī aarzū laao ki sab dar-o-bām bujh ga.e haiñ

    bahut sambhālā vafā paimāñ magar vo barsī hai ab ke barkhā

    har ek iqrār miT gayā hai tamām paiġhām bujh ga.e haiñ

    qarīb aa ai mah-e-shab-e-ġham nazar pe khultā nahīñ kuchh is dam

    ki dil pe kis kis naqsh baaqī hai kaun se naam bujh ga.e haiñ

    bahār ab aa ke kyā karegī ki jin se thā jashn-e-rañg-o-naġhma

    vo gul sar-e-shāḳh jal ga.e haiñ vo dil tah-e-dām bujh ga.e haiñ

    jamegi kaise bisat-e-yaran ki shisha o jam bujh gae hain

    sajegi kaise shab-e-nigaran ki dil sar-e-sham bujh gae hain

    wo tirgi hai rah-e-butan mein charagh-e-ruKH hai na sham-e-wada

    kiran koi aarzu ki lao ki sab dar-o-baam bujh gae hain

    bahut sambhaala wafa ka paiman magar wo barsi hai ab ke barkha

    har ek iqrar miT gaya hai tamam paigham bujh gae hain

    qarib aa ai mah-e-shab-e-gham nazar pe khulta nahin kuchh is dam

    ki dil pe kis kis ka naqsh baqi hai kaun se nam bujh gae hain

    bahaar ab aa ke kya karegi ki jin se tha jashn-e-rang-o-naghma

    wo gul sar-e-shaKH jal gae hain wo dil tah-e-dam bujh gae hain

    Videos
    This video is playing from YouTube

    Videos
    This video is playing from YouTube

    Primila Puri

    Primila Puri

    Source:

    • Book: Nuskha Hai Wafa (Pg. 329)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites