jawani zist ka hi ek hissa hai

javānī ziist kā hī ek hissa hai

par is ne merā bachpan mujh se chhīnā hai

bajā.e ḳhud-kushī ke dekh kar shīsha

vo jī bhar ke agar ro le to achchhā hai

pakaḌ kar ek uñglī in kināroñ kī

nadī ne dhīre dhīre chalnā sīkhā hai

utarte hī zamīñ pe raat ne dekhā

thakā haarā sā din miTTī pe leTā hai

ḳhud apne bachche ko hī god meñ le ke

mujhe ik achchhā beTā banñā aayā hai

mirī āñkheñ mujhe samjheñ na samjheñ par

mire aañsū kā har qatra samajhtā hai

zarā sī baat par dil dukhtā hai 'abtar'

ye koī kah de to dil aur dukhtā hai

jawani zist ka hi ek hissa hai

par is ne mera bachpan mujh se chhina hai

bajae KHud-kushi ke dekh kar shisha

wo ji bhar ke agar ro le to achchha hai

pakaD kar ek ungli in kinaron ki

nadi ne dhire dhire chalna sikha hai

utarte hi zamin pe raat ne dekha

thaka haara sa din miTTi pe leTa hai

KHud apne bachche ko hi god mein le ke

mujhe ek achchha beTa banna aaya hai

meri aankhen mujhe samjhen na samjhen par

mere aansu ka har qatra samajhta hai

zara si baat par dil dukhta hai 'abtar'

ye koi kah de to dil aur dukhta hai