jazba-e-husn-e-wafa mujhko sanbhal jaane de

jazba-e-husn-e-vafā mujh ko sañbhal jaane de

dil ko ehsās-e-tasavvur se bahal jaane de

merī nākām mohabbat mujhe majbūr na kar

sarhad-e-shahr-e-nigārāñ se nikal jaane de

zindagī tū na.e māhaul kī 'aadī ho jā

zulf-e-hālāt machaltī hai machal jaane de

qābil-e-qadr haiñ ye ashk-e-nadāmat ai dost

dāman-e-buġhz ko is aag meñ jal jaane de

zikr sahbā kā ba-sad-shauq tū kar lenā 'ziyā'

kuchh shabāb-e-mai-e-idrāk to Dhal jaane de

jazba-e-husn-e-wafa mujh ko sanbhal jaane de

dil ko ehsas-e-tasawwur se bahal jaane de

meri nakaam mohabbat mujhe majbur na kar

sarhad-e-shahr-e-nigaran se nikal jaane de

zindagi tu nae mahaul ki 'adi ho ja

zulf-e-haalat machalti hai machal jaane de

qabil-e-qadr hain ye ashk-e-nadamat ai dost

daman-e-bughz ko is aag mein jal jaane de

zikr sahba ka ba-sad-shauq tu kar lena 'ziya'

kuchh shabab-e-mai-e-idrak to Dhal jaane de