jhil si aankhon ka qissa ab purana ho gaya
jhiil sī āñkhoñ kā qissa ab purānā ho gayā
Duub kar din biit jaatā thā zamānā ho gayā
'ishq kī rahmat to dekho kyā ġhazab kartā hai ye
naam us kā le liyā mausam suhānā ho gayā
haal dil kā pūchhtī ho mujh se ab maiñ kyā kahūñ
tiir jo tum ne chalāyā maiñ nishānā ho gayā
in daraḳhtoñ se uḌe bāġhī parindoñ kā maqām
āsmāñ honā thā lekin qaid-ḳhāna ho gayā
ek hī hasrat thī dil meñ aur vo puurī huī
niiñd ko merī mayassar terā shānā ho gayā
kitnā āsāñ hai yahāñ par kuchh bhī pā lenā mujhe
mānñā hai pā liyā aur jo bhī maanā ho gayā
jhil si aankhon ka qissa ab purana ho gaya
Dub kar din bit jata tha zamana ho gaya
'ishq ki rahmat to dekho kya ghazab karta hai ye
nam us ka le liya mausam suhana ho gaya
haal dil ka puchhti ho mujh se ab main kya kahun
tir jo tum ne chalaya main nishana ho gaya
in daraKHton se uDe baghi parindon ka maqam
aasman hona tha lekin qaid-KHana ho gaya
ek hi hasrat thi dil mein aur wo puri hui
nind ko meri mayassar tera shana ho gaya
kitna aasan hai yahan par kuchh bhi pa lena mujhe
manna hai pa liya aur jo bhi mana ho gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
