جدھر بھی دیکھتا ہوں ہر طرف سیاست ہے

جدھر بھی دیکھتا ہوں ہر طرف سیاست ہے

نئے نظام سے مجھ کو بڑی شکایت ہے

ہمیں بزرگ یہ قصے سنایا کرتے تھے

یہی فسانہ تھا جو آج کی حقیقت ہے

تمہارے ساتھ مری چاہتیں تمہیں تک تھیں

تمہارے بعد سبھی سے مجھے محبت ہے

ابھی خفا ہے پھر آ کر گلے لگا لے گا

میں جانتا ہوں یہ اس کی پرانی عادت ہے

یہ ہنستی کھیلتی دنیا ی زندگی کے رنگ

کرم اسی کا ہے سارا اسی کی رحمت ہے

یہ سارا کھیل ٹکا ہے ہمارے کرموں پر

تمہارے پاس ہے جتنا وہی غنیمت ہے