jidhar wo hain udhar hum bhi agar jaen to kya hoga

jidhar vo haiñ udhar ham bhī agar jaa.eñ to kyā hogā

irāde hashr meñ ye kaam kar jaa.eñ to kyā hogā

kisī ne aaj tak us kā pata paayā jo ham paate

makān-o-lā-makāñ se bhī guzar jaa.eñ to kyā hogā

ye kaliyoñ kā tabassum aur ye phūloñ kī ra.anā.ī

bahāroñ meñ agar vo bhī sañvar jaa.eñ to kyā hogā

yaqīñ va.ade kā un ke ḳhud-farebī hī sahī lekin

ye do din bhī umīdoñ meñ guzar jaa.eñ to kyā hogā

ġhanīmat hai vo sub.h-e-hashr se pahle chale aa.e

shab-e-āḳhir bhī naale be-asar jaa.eñ to kyā hogā

jidhar shaiḳh-o-barahman phir rahe the DhūñDte 'rizvī'

usī jānib tire shorīda-sar jaa.eñ to kyā hogā

jidhar wo hain udhar hum bhi agar jaen to kya hoga

irade hashr mein ye kaam kar jaen to kya hoga

kisi ne aaj tak us ka pata paya jo hum pate

makan-o-la-makan se bhi guzar jaen to kya hoga

ye kaliyon ka tabassum aur ye phulon ki ranai

bahaaron mein agar wo bhi sanwar jaen to kya hoga

yaqin wade ka un ke KHud-farebi hi sahi lekin

ye do din bhi umidon mein guzar jaen to kya hoga

ghanimat hai wo subh-e-hashr se pahle chale aae

shab-e-aKHir bhi nale be-asar jaen to kya hoga

jidhar shaiKH-o-barahman phir rahe the DhunDte 'rizwi'

usi jaanib tere shorida-sar jaen to kya hoga