جی کر تمام زندگی زندہ دلی سے ہم

جی کر تمام زندگی زندہ دلی سے ہم

قصہ لکھیں گے تیرگی پہ روشنی سے ہم

ہم کو نجات غم کی توقع ہے خود سے ہی

رکھتے نہیں امید جہاں میں کسی سے ہم

لوگوں نے جو سوال وجود اب تلک کئے

دیں گے جواب ان کے مگر خامشی سے ہم

آنا ہے تو خود آئے سمندر ہمارے پاس

لے کر انا چلے ہیں یہ لونی ندی سے ہم

یہ خاک جسم خاک میں مل جائے گا مگر

زندہ رہیں گے مر کے یہیں شاعری سے ہم

اس آرزوؔ میں عمر گزاری ہے آج تک

اک دن تو مل ہی جائیں گے اپنی خوشی سے ہم