jina hai ek shaghl so karte rahe hain hum

jiinā hai ek shaġhl so karte rahe haiñ ham

hai zindagī gavāh ki marte rahe haiñ ham

sahte rahe haiñ zulm ham ahl-e-zamīn ke

ilzām āsmān pe dharte rahe haiñ ham

milte rahe haiñ raaz hameñ ahl-e-zohd ke

naaz apne shaġhl-e-jām pe karte rahe haiñ ham

ahbāb kī nigāh pe chaḌhte rahe magar

aġhyār ke diloñ meñ utarte rahe haiñ ham

jaise ki un ke ghar kā pata jānte nahīñ

yuuñ un kī rahguzar se guzarte rahe haiñ ham

karte rahe haiñ qaum se ham ishq be-panāh

haañ nāsehān-e-qaum se Darte rahe haiñ ham

sharmā.eñ kyuuñ na ham se ufuq kī bulandiyāñ

ḳhud apne bāl-o-par ko katarte rahe haiñ ham

jina hai ek shaghl so karte rahe hain hum

hai zindagi gawah ki marte rahe hain hum

sahte rahe hain zulm hum ahl-e-zamin ke

ilzam aasman pe dharte rahe hain hum

milte rahe hain raaz hamein ahl-e-zohd ke

naz apne shaghl-e-jam pe karte rahe hain hum

ahbab ki nigah pe chaDhte rahe magar

aghyar ke dilon mein utarte rahe hain hum

jaise ki un ke ghar ka pata jaante nahin

yun un ki rahguzar se guzarte rahe hain hum

karte rahe hain qaum se hum ishq be-panah

han nasehan-e-qaum se Darte rahe hain hum

sharmaen kyun na hum se ufuq ki bulandiyan

KHud apne baal-o-par ko katarte rahe hain hum