jin ki poshak ke sab tar nazar aate hain

jin kī poshāk ke sab taar nazar aate haiñ

bas vahī log to ḳhud.dār nazar aate haiñ

haq sage bhaa.ī kā baiThe haiñ dabā kar vo bhī

tum ko jo sāhib-e-kirdār nazar aate haiñ

apnī barbādī kā ilzām bhalā kis ko duuñ

mujh ko apne bhī to ġhaddār nazar aate haiñ

marne vaale kī to kar lete haiñ tā'rīf sabhī

zinda haiñ jo yahāñ bekār nazar aate haiñ

jin ke har ḳhvāb kiye ham ne hī puure lekin

phir bhī ham un ko gunahgār nazar aate haiñ

ek din vaqt kā khā.eñge tamāñcha vo bhī

aaj chehre se jo angār nazar aate haiñ

zar zarā sā jo huā paas hamāre 'shākir'

sab hamāre hī taraf-dār nazar aate haiñ

jin ki poshak ke sab tar nazar aate hain

bas wahi log to KHuddar nazar aate hain

haq sage bhai ka baiThe hain daba kar wo bhi

tum ko jo sahib-e-kirdar nazar aate hain

apni barbaadi ka ilzam bhala kis ko dun

mujh ko apne bhi to ghaddar nazar aate hain

marne wale ki to kar lete hain ta'rif sabhi

zinda hain jo yahan bekar nazar aate hain

jin ke har KHwab kiye hum ne hi pure lekin

phir bhi hum un ko gunahgar nazar aate hain

ek din waqt ka khaenge tamancha wo bhi

aaj chehre se jo angar nazar aate hain

zar zara sa jo hua pas hamare 'shakir'

sab hamare hi taraf-dar nazar aate hain