jinhen hum yaad kar ke ro rahe hain

jinheñ ham yaad kar ke ro rahe haiñ

unhīñ murdoñ kā virsa Dho rahe haiñ

vo khīñche jā rahā hai apnī jānib

ham apnī had se bāhar ho rahe haiñ

hameñ qistoñ meñ marnā paḌ rahā hai

vo qistoñ meñ parā.e ho rahe haiñ

matā'-e-zindagī kī piiTh par ham

tumhārī be-ruḳhī bhī Dho rahe haiñ

baḌā ulTā zamāna aa gayā hai

mohabbat karne vaale so rahe haiñ

ḳhudā kā shukr hai ġham par hamāre

jo ḳhush hote the vo bhī ro rahe haiñ

ham apne sahn ke gamloñ meñ ab tak

tumhārī muskurāhaT bo rahe haiñ

jinhen hum yaad kar ke ro rahe hain

unhin murdon ka wirsa Dho rahe hain

wo khinche ja raha hai apni jaanib

hum apni had se bahar ho rahe hain

hamein qiston mein marna paD raha hai

wo qiston mein parae ho rahe hain

mata'-e-zindagi ki piTh par hum

tumhaari be-ruKHi bhi Dho rahe hain

baDa ulTa zamana aa gaya hai

mohabbat karne wale so rahe hain

KHuda ka shukr hai gham par hamare

jo KHush hote the wo bhi ro rahe hain

hum apne sahn ke gamlon mein ab tak

tumhaari muskurahaT bo rahe hain