jis dam se guftugu ki shuruat humne ki

jis dam se guftugū kī shurū'āt ham ne kī

kab us ghaḌī se apnī koī baat ham ne kī

ham chaah kar bhī koī kamī kar nahīñ sake

ehsās-e-kamtarī meñ bhī bohtāt ham ne kī

ronā nahīñ thā aaj magar ḳhuub ro.e ham

karnī nahīñ thī baat magar baat ham ne kī

afsos bas yahī hai ki aa.ī na kuchh bhī kaam

koshish junūn kī ye jo din-rāt ham ne kī

ik aur din udāsiyoñ ke naam kar diyā

afsurdagī kī nazr phir ik raat ham ne kī

ham aap muttafiq na kabhī jis se ho sake

kyā ittifāq hai ki vahī baat ham ne kī

jis dam se guftugu ki shuru'at hum ne ki

kab us ghaDi se apni koi baat hum ne ki

hum chah kar bhi koi kami kar nahin sake

ehsas-e-kamtari mein bhi bohtat hum ne ki

rona nahin tha aaj magar KHub roe hum

karni nahin thi baat magar baat hum ne ki

afsos bas yahi hai ki aai na kuchh bhi kaam

koshish junun ki ye jo din-raat hum ne ki

ek aur din udasiyon ke nam kar diya

afsurdagi ki nazr phir ek raat hum ne ki

hum aap muttafiq na kabhi jis se ho sake

kya ittifaq hai ki wahi baat hum ne ki