jis ko mile qarib se begana ho gaya

jis ko mile qarīb se begāna ho gayā

ābād thā makān jo vīrāna ho gayā

mastī bharī zamīn hai jhūme hai āsmāñ

har lab yahāñ sharāb kā paimāna ho gayā

merā na ho sakā mujhe is kā nahīñ hai ġham

ye kyā sitam raqīb kā dīvāna ho gayā

dil kī paḌhī namāz garanthoñ ko chhoḌ kar

duniyā samajh rahī hai ki farzāna ho gayā

lo phir chalī nasīm ḳhizāoñ ke din ga.e

mahkī fazā.eñ dil mirā mastāna ho gayā

bāda-kashī meñ 'umr kaTī jis kī dosto

lo ab sunā 'rafīq' bhī maulānā ho gayā

jis ko mile qarib se begana ho gaya

aabaad tha makan jo virana ho gaya

masti bhari zamin hai jhume hai aasman

har lab yahan sharab ka paimana ho gaya

mera na ho saka mujhe is ka nahin hai gham

ye kya sitam raqib ka diwana ho gaya

dil ki paDhi namaz garanthon ko chhoD kar

duniya samajh rahi hai ki farzana ho gaya

lo phir chali nasim KHizaon ke din gae

mahki fazaen dil mera mastana ho gaya

baada-kashi mein 'umr kaTi jis ki dosto

lo ab suna 'rafiq' bhi maulana ho gaya