جس کو ملے قریب سے بیگانہ ہو گیا

جس کو ملے قریب سے بیگانہ ہو گیا

آباد تھا مکان جو ویرانہ ہو گیا

مستی بھری زمین ہے جھومے ہے آسماں

ہر لب یہاں شراب کا پیمانہ ہو گیا

میرا نہ ہو سکا مجھے اس کا نہیں ہے غم

یہ کیا ستم رقیب کا دیوانہ ہو گیا

دل کی پڑھی نماز گرنتھوں کو چھوڑ کر

دنیا سمجھ رہی ہے کہ فرزانہ ہو گیا

لو پھر چلی نسیم خزاؤں کے دن گئے

مہکی فضائیں دل مرا مستانہ ہو گیا

بادہ کشی میں عمر کٹی جس کی دوستو

لو اب سنا رفیقؔ بھی مولانا ہو گیا