jis ne rakkha hai hamesha nafraton ke darmiyan

Hamza Daim

jis ne rakkha hai hamesha nafraton ke darmiyan

Hamza Daim

MORE BYHamza Daim

    jis ne rakkhā hai hamesha nafratoñ ke darmiyāñ

    vo dhaḌaktā phir rahā hai dhaḌkanoñ ke darmiyāñ

    zindagī ko ġhaur se dekhā to mujh ko yuuñ lagā

    ek tavā.if jis tarah ho manchaloñ ke darmiyāñ

    us harīm-e-nāz se shikva kiyā thā ek din

    manzileñ bikhrī paḌī haiñ rāstoñ ke darmiyāñ

    bebasī bebasī hai kyā kaheñ kis se kaheñ

    maiñ to pyāsā mar rahā huuñ bādaloñ ke darmiyāñ

    nā-rasā.ī ye dukh to maar Dālegā mujhe

    kasmapursī samāñ hai chāhatoñ ke darmiyāñ

    'mīr' ke lahje meñ ġhazleñ kah rahā huuñ aaj bhī

    naam kuchh kuchh ban rahā hai ġhāliboñ ke darmiyāñ

    pyaar ke saare manāzir dhuñdlakoñ meñ Dhal ga.e

    kuchh kamī rah ga.ī thī rābtoñ ke darmiyāñ

    zindagī ke is bhañvar se kaun nikle dekhiye

    che-mī-goīyāñ ho rahī haiñ be-basoñ ke darmiyāñ

    sar pe chhat na sā.ebāñ haiñ bebasī to dekhiye

    kāġhzī ik pairāhan hai bārishoñ ke darmiyāñ

    fāḳhta zaitūn shāḳhoñ par maarī jā.egī

    faisla ye ho chukā hai zālimoñ ke darmiyāñ

    dostoñ rahne bhī do jhūTī tasallī kis liye

    vaqt achchhā kaT rahā hai mushkiloñ ke darmiyāñ

    vo akelā hai aur us ke chāhne vaale bahut

    jañg hone rahī hai āshiqoñ ke darmiyāñ

    dushmanoñ se kah diyā hai fikr merī chhoḌ deñ

    maiñ khaḌā huuñ aaj bhī kuchh dostoñ ke darmiyāñ

    kis tarah 'dā.em' kaTegā be-yaqīnī safar

    mashvara ye ho rahā hai qāfiloñ ke darmiyāñ

    jis ne rakkha hai hamesha nafraton ke darmiyan

    wo dhaDakta phir raha hai dhaDkanon ke darmiyan

    zindagi ko ghaur se dekha to mujh ko yun laga

    ek tawaif jis tarah ho manchalon ke darmiyan

    us harim-e-naz se shikwa kiya tha ek din

    manzilen bikhri paDi hain raston ke darmiyan

    bebasi si bebasi hai kya kahen kis se kahen

    main to pyasa mar raha hun baadalon ke darmiyan

    na-rasai ka ye dukh to mar Dalega mujhe

    kasmapursi ka saman hai chahaton ke darmiyan

    'mir' ke lahje mein ghazlen kah raha hun aaj bhi

    nam kuchh kuchh ban raha hai ghaalibon ke darmiyan

    pyar ke sare manazir dhundlakon mein Dhal gae

    kuchh kami si rah gai thi rabton ke darmiyan

    zindagi ke is bhanwar se kaun nikle dekhiye

    che-mi-goiyan ho rahi hain be-bason ke darmiyan

    sar pe chhat na saeban hain bebasi to dekhiye

    kaghzi ek pairahan hai barishon ke darmiyan

    faKHta zaitun ki shaKHon par mari jaegi

    faisla ye ho chuka hai zalimon ke darmiyan

    doston rahne bhi do jhuTi tasalli kis liye

    waqt achchha kaT raha hai mushkilon ke darmiyan

    wo akela hai aur us ke chahne wale bahut

    jang hone ja rahi hai aashiqon ke darmiyan

    dushmanon se kah diya hai fikr meri chhoD den

    main khaDa hun aaj bhi kuchh doston ke darmiyan

    kis tarah 'daem' kaTega be-yaqini ka safar

    mashwara ye ho raha hai qafilon ke darmiyan

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY