jis qadar shikwe the sab harf-e-dua hone lage

Sarwar Alam Raz

jis qadar shikwe the sab harf-e-dua hone lage

Sarwar Alam Raz

MORE BYSarwar Alam Raz

    jis qadar shikve the sab harf-e-duā hone lage

    ham kisī aarzū meñ kyā se kyā hone lage

    bekasī ne be-zabānī ko zabāñ kyā baḳhsh

    jo na kah sakte the ashkoñ se adā hone lage

    ham zamāne suḳhan-fahmī shikva kyā kareñ

    jab zarā baat par tum bhī ḳhafā hone lage

    rañg-e-mahfil dekh kar duniyā ne nazreñ pher liiñ

    āshnā jitne bhī the nā-āshnā hone lage

    har qadam par manzileñ kuchh duur yuuñ hotī ga.iiñ

    rāz-hā-e-zindagānī ham pe hone lage

    sar-burīda ḳhasta-sāmāñ dil-shikasta jāñ-ba-lab

    āshiqī meñ surḳh-rū nām-e-ḳhudā hone lage

    āgahī ne jab dikhā.ī rāh-e-irfān-e-habīb

    but the jitne dil meñ sab qibla-numā hone lage

    āshiqī ḳhair ho 'sarvar' ki ab is shahr meñ

    vaqt vo aayā hai bande bhī ḳhudā hone lage

    jis qadar shikwe the sab harf-e-dua hone lage

    hum kisi ki aarzu mein kya se kya hone lage

    bekasi ne be-zabani ko zaban kya baKHsh di

    jo na kah sakte the ashkon se ada hone lage

    hum zamane ki suKHan-fahmi ka shikwa kya karen

    jab zara si baat par tum bhi KHafa hone lage

    rang-e-mahfil dekh kar duniya ne nazren pher lin

    aashna jitne bhi the na-ashna hone lage

    har qadam par manzilen kuchh dur yun hoti gain

    raaz-ha-e-zindagani hum pe wa hone lage

    sar-burida KHasta-saman dil-shikasta jaan-ba-lab

    aashiqi mein surKH-ru nam-e-KHuda hone lage

    aagahi ne jab dikhai rah-e-irfan-e-habib

    but the jitne dil mein sab qibla-numa hone lage

    aashiqi ki KHair ho 'sarwar' ki ab is shahr mein

    waqt wo aaya hai bande bhi KHuda hone lage

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY