jis taraf dekho nazar aate hain tane wale

Syed Ghafir Rizvi Falak Chhaulsi

jis taraf dekho nazar aate hain tane wale

Syed Ghafir Rizvi Falak Chhaulsi

MORE BYSyed Ghafir Rizvi Falak Chhaulsi

    jis taraf dekho nazar aate haiñ ta.ane vaale

    haiñ kahāñ naġhma-e-dil-gīr sunāne vaale

    kis se rūTheñge bhalā kaun manā.egā hameñ

    zīnat-e-shahr-e-ḳhamoshāñ haiñ manāne vaale

    ab to ta.abīr bhī bar-aks nazar aatī hai

    gum hue jaane kahāñ ḳhvāb suhāne vaale

    ye zamāne taqāza hai karūñ āh-o-bukā

    varna ye lab the hamesha se tarāne vaale

    kaise iz.hār karūñ ishq-e-ḳhafī tum se

    mujh ko majnūñ laqab deñge zamāne vaale

    ye karishma bhī tumhārī mohabbat se huā

    miT ga.e ham ko zamāne se miTāne vaale

    dhaḌkaneñ apne ahāta se nikal aa.ī haiñ

    aisā lagtā hai ki nazdīk haiñ aane vaale

    ḳhanjar-e-zulm ne yuuñ to galā chūmā hai

    ham haiñ neze pe bhī qur.ān sunāne vaale

    ham to talvār ko ḳhud apnī zabāñ dete haiñ

    ham haiñ har haal meñ va.ade ko nibhāne vaale

    is se aage to faqat saath 'falak hai mere

    qabr tak jā.eñge kāñdhoñ pe uThāne vaale

    jis taraf dekho nazar aate hain tane wale

    hain kahan naghma-e-dil-gir sunane wale

    kis se ruThenge bhala kaun manaega hamein

    zinat-e-shahr-e-KHamoshan hain manane wale

    ab to tabir bhi bar-aks nazar aati hai

    gum hue jaane kahan KHwab suhane wale

    ye zamane ka taqaza hai karun aah-o-buka

    warna ye lab the hamesha se tarane wale

    kaise izhaar karun ishq-e-KHafi ka tum se

    mujh ko majnun ka laqab denge zamane wale

    ye karishma bhi tumhaari hi mohabbat se hua

    miT gae hum ko zamane se miTane wale

    dhaDkanen apne ahata se nikal aai hain

    aisa lagta hai ki nazdik hain aane wale

    KHanjar-e-zulm ne yun hi to gala chuma hai

    hum hain neze pe bhi quran sunane wale

    hum to talwar ko KHud apni zaban dete hain

    hum hain har haal mein wade ko nibhane wale

    is se aage to faqat sath 'falak hai mere

    qabr tak jaenge kandhon pe uThane wale

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY