jise KHud se juda rakkha nahin hai

Sabihuddin Shaibi

jise KHud se juda rakkha nahin hai

Sabihuddin Shaibi

MORE BYSabihuddin Shaibi

    jise ḳhud se judā rakkhā nahīñ hai

    vo merā hai magar merā nahīñ hai

    jise khone mujh ko Dar hai itnā

    use maiñ ne abhī paayā nahīñ hai

    nuqūsh ab zehn se miTne lage haiñ

    bahut din se use dekhā nahīñ hai

    sunā hai phuul ab khilte nahīñ haiñ

    to kyā khul kar vo ab hañstā nahīñ hai

    nagar chhoḌā hai jab se us ġhazal ne

    koī shā.ir ġhazal kahtā nahīñ hai

    tirī yādoñ se raushan hai mirā dil

    ye vo sūraj hai jo Dhaltā nahīñ hai

    mirī āñkhoñ ye dariyā ajab hai

    ki bahtā hai to phir thamtā nahīñ hai

    ḳhushī ho koī ġham lamha

    guzar jaatā hai kyoñ ruktā nahīñ hai

    'sabīh'-o-ḳhūb-rū chehre ka.ī haiñ

    magar koī bhī us jaisā nahīñ hai

    jise KHud se juda rakkha nahin hai

    wo mera hai magar mera nahin hai

    jise khone ka mujh ko Dar hai itna

    use main ne abhi paya nahin hai

    nuqush ab zehn se miTne lage hain

    bahut din se use dekha nahin hai

    suna hai phul ab khilte nahin hain

    to kya khul kar wo ab hansta nahin hai

    nagar chhoDa hai jab se us ghazal ne

    koi shair ghazal kahta nahin hai

    teri yaadon se raushan hai mera dil

    ye wo suraj hai jo Dhalta nahin hai

    meri aankhon ka ye dariya ajab hai

    ki bahta hai to phir thamta nahin hai

    KHushi ka ho koi ya gham ka lamha

    guzar jata hai kyon rukta nahin hai

    'sabih'-o-KHub-ru chehre kai hain

    magar koi bhi us jaisa nahin hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY